شعر یوسف احمدی در مورد بکراباد
تقدیم به اهالی محترم روستای زیبای بکرآباد. ( لازم به ذکرست که در محاوره به بکراباد بئکوو گفته می شود.)
بئکوو
ایستیرم شانیوه بوگون شعر قوشام یایام شهرتیوی هریانه بئکوو
من مجنونام داغیم داشیم سنده دی گورنده اولورام دیوانه بئکوو
باغلارین بهشت عدن نن گوزه ل هئچ چمن تاپیلماز چیمن نن گوزه ل
هئچ یئر اولا بیلمز وطن نن گوزه ل جنت دن چوخ وارین نشانه بئکوو
قوجالارین غیرتینه حیرانام جوان لارین همتبنه حیرانام
قادین لارین عصمتینه حیرانام عززتلی سوروسن زمانه بئکوو
سولارین زمزم نن نشانه سی وار چای چشمه دیلینده ترانه سی وار
هر کسین عمرونده بهانه سی وار یاشاماغا سن سن بهانه بئکوو
هئچ باغ اولا بیلمز باغیننان گوزه ل هئچ داغ داش تاپیلماز داغیننان گوزه ل
ساغین سولدان سولون ساغیننان گوزه ل سنی گوره ن باخماز هئچ یانه بئکوو
قارتال لار قیه ن ده قی ووروب گزه ر یای یازین کووشنه گول چیچک دوزه ر
سنبل لر آچیلیب هریانی بزه ر قوناغین دولانار مستانه بئکوو
حق یولون دا شهیدلرین جان وئریب دشمن قارشیسین دا دوروب قان وئریب
هر طایفا بو یئرده بیر اصلان وئریب درس اولسون بو عززت جهانه بئکوو
هر یئرده یاشاسام سنین بالانام من سنین عشقین ده ثابت قالانام
قویما سن سیز تاراج اولام تالانام اولما اوز بالاوا بیگانه بئکوو
شاعر احمد احمدی